1 MBWENU ebibi binduhiize kimwe, Nkaabaasibwa okuhuumura, Yesu, niiwe buruhuukiro bwangye, Tindyehwa matsiko, haz' oriho; Kand' eshagama yaawe, Mucunguzi, Niy' enyozy' ebibi byangye byona. 2 Rukundo yaawe ni nyingi munonga Okukir' ebyo bibi byangye; Ka nyij' ahariiwe, Yes' Omujuni, Onyakiire, mbwenu ntakwakwa; Nyowe omubi, onyehitsye haihi, Kand' onyonye n'eshagama yaawe. 3 Onyebember' omu muhanda gwawe, Onkores' ebi orikukunda; Ompuzye, ndeky' ebibi by'ensi byona, Ebirikuntaanisa naiwe; Kand' eiteekateeko byangye byona Bigumir' ahariiw' obutoosha. 4 Nyow' omwiru waawe, omp'omutima Ogurikwang' ekibi kyona, Ngume mpurir' ebiragiro byawe, Ndekye kuguma nincumura; Mbwenu ninkweheera kimwe, mb' owaawe, Mukama wangye Yes' Omujuni.
1 OMU biro bibi Yes' onyijukye, Ntakaakurugaho, nkakwehakana, Ku ndaagir' obwoba, Mukam', ongumye, Kand' omp' emikono, ndekye kukwakwa.....
1 AI Mukama Yesu, ncaaka Omany' ebi nkora, Onyoreky' ebitareebwa Eby'omu mutima. 2 Ocaaky' ebiteekateeko Ebisherekirwe; Ahakuba niiwe wenka....
1 OKWIH' iranaira ryona Yes' akab' ari omu iguru, Yaarugayo, yaij' omu nsi Okujun' abanyabibi. 2 Ku yaizire, yaatandika Kubuurir' abant' Engiri,....