1 OMU rurembo rwa Ruhanga Niimwo harug' omugyera Ogw'amaizi g'amagara, Ogurug' omu kitebe kye. Turyateeranira hamwe Twen' ahari ogwo mugyera N'abandi abarikwera, Twin' okushemererwa kwingi. 2 Yesu Omuriisa waitu Niw' aritwebembera gye, Akatuhitsy' omu iguru Ahari ogwo mugyera murungi. Turyateeranira, n'ebindi. 3 obu tukiri omu ns' egi, Ka tushabe Nyamuhanga, Atwiheho emitwaro, Tugyende n'okushemererwa. Turyateeranira, n'ebindi. 4 Ebishuba bya Sitaane N'obwangani bw'omu bantu Tibiribaasa kuhika Omuri egyo nsi ya Ruhanga. Turyateeranira, n'ebindi. 5 Abahikiriire boona Nibo bonka barizayo; Tweshengyereze Mukama, Atushemeze, tube nkabo. Turyateeranira, n'ebindi. 6 Obunaku ti buraingwa, Obu turimar' omu nsi, Tutakagiire mu iguru Kubugabuganayo nabo. Turyateeranira, n'ebindi.
1 OBUSAASI bwona ku burihwa, Naahik' omu nsi ey' omu iguru, Okuguma na Mukama wangye Ekyo kiryanshemeza munonga. Obwo ndyaba....
1 OMU nsi yaitu y'omu iguru Ekiro tikibayo, Emirimo tebarusya, Bakora n'okukunda. 2 Okw' ei bari tihabayo Naku nari obusaasi; Yesu niw'....
1 KU turihuurir' anzamba ya Mukam' omu iguru, Ahari eryo izooba ry'aha muheru gw'ensi, Eri abajunirwe boona bariteeraniraho, Obwo haryabah' okwet'....