1 MUKAMA w'eiguru n'ensi Obukuru n'ekitiinisa Bib' ebyaw' obutwire bwona, Iw' ogaba. 2 Mbwenu tukworekye tuta Okusiima kw'omu mutima? Ka tukuhe byon' ebi twine Ebi otuha. 3 Niiw' otuh' ebi twereza Omushana hamwe n'enjura; Mbwenu itwe kukusiime tuta, Nyamuhanga? 4 Niiw' oh' amak' obusingye, Amagara n'okukundana; Ka tugarukye tukusiime N'ahabw'ebyo. 5 Toraimire Mwana waawe, Okamuhayo n'okukunda Kutufeer' aha Musharaba, Ngu atujune. 6 Ahabw'abant' abacungwirwe, N'ahabw'abaasaasiirw' ebibi, Mbwenu itwe tukuhe ki, Yesu Omujuni? 7 Niiw' otuh' Omwoyo waawe Omuhi w'ebiconco byona; Kand' otuh' emigisha yoona Ey'omwoyo. 8 Ebi tweshemeza nabyo Tibiine ki butugasira, Kwonk' ebi tukuha bireeta Omugisha. 9 Ebi tukuha, Mukama, Tubigarurirwa n'enshaagi; Ka tubikuhe n'okukunda, Iw' ogaba. 10 Iw' okomookwaho byona Ebi tutungir' omu ns' egi; Ka tugume tukuheereze, Iw' ogaba.
1 HARIHO ens' ekir' egi oburungi, Ni nungi! ni nungi! Tiharitaahayo kibi kyona; Egyo nsi ni nungi. Turyaguma nituteer' enanga Hamwe na baamaraika....
1 HARIH' orurembo Orw'ekitiinisa, Orutarigiibwamu kintu kyona Ekitashemeire. 2 Yesu, ninkushaba, Mwana wa Ruhanga, Mujuni wangye, onyozye....
1 OMU nsi ya Yesu y'omu iguru Abarikwera be niyo bari; Nibashemererwa, Nibamweshongorera, Nibah' Eiziina rye ekitiinisa. 2 Naimw' abanyabibi,....